Аԥсны аҿиразы асоциалтә-економикатә акомплекстә план ангаӡара азҵаарақәа рылацәажәара иазку аилатәара мҩаԥигеит Александр Анқәаб
«2010 - 2012 ш. Аԥсны аҿиразы асоциалтә-економикатә акомплекстә план» ангаӡара азҵаарақәа рылацәажәара иазку аилатәара мҩаԥигеит Александр Анқәаб. Александр Анқәаб Акомплекстә план анагӡара знапы алаку ргәырҽаниҵеит хаҭала аҭакԥхықәра шрыду аусурақәа рымҩаԥгашьазы.
Излеилкаахаз ала Аԥснытәи Аҳәынҭқарратә Университет актәи акорпус аиҭашьақәыргылара иалахәын аргыларатә еиҿкаарақәа 12 анардадкылаҩ хада ида. Аргылараҿы уи иаанагоит иҟаҵоу аргыларатә усурақәа рзы аӡәгьы аҭакԥхықәра идымҵара. Акапиталтә ргыларазы Аусбараҭа ахада иусқәа назыгӡо Константин Бигәаа иажәақәа рыла 12 ргыларатә еиҿкаара рҟынтәи акы заҵәык аусура ахаҭабзиара ҳаракын. «Ари аҩзы ҳара иаҳбоит аргыларатә усурақәа ахьцо егьырҭ ахыбрақәа рҿгьы»,- иҳәеит иара.
Иазгәаҭатәуп, Аҟәатәи ақалақьтә ӡбарҭа Апрокуратура хада азыҳәа нанагӡеит аргыларатә фирма «Ассир» аиҳабы Аԥснытәи Аҳәынҭқарратә Унивреситет аҿы аргыларатә усурақәа назыгӡоз иҭакразы.
Аҳәынҭқарра ахада изеиҭарҳәеит егьырҭ зеиҭашьақәыргылара иаҿу аҵарадырра, агәабзиарахьчара, анаука, акультура, аспорт иадҳәалоу ахыбрақәа рҿы аусурақәа шымҩаԥысуа.
