Ажәабжьқәа

Популярное

Галуст Трапизониан Аҧсны аҳәынҭқарратә стандарт аколлектив аҿаҧхьа идгалара мҩаҧгоуп

3384
01.06.2020 18:12
Галуст Трапизониан Аҧсны аҳәынҭқарратә стандарт аколлектив аҿаҧхьа идгалара мҩаҧгоуп
Уаанӡа Аҧсны Аҳәынҭқарра Ахада иҭижьыз Аусҧҟа инақәыршәаны, Галуст Трапизониан Аҧсны аҳәынҭқарратә стандарт ахантәаҩыс дҟаҵан.

Аҟәа. Рашәарамза 1. Аҧсныпресс. Аҧсны аҧыза-министр актәи ихаҭыҧуаҩ Беслан Џьопуа Аҧсны Аҳәынҭқарра астандартқәеи, ахархәаратәии атехикатәи ахылаҧшра азы аҳәынҭқарратә Еилакы аколлектив анапхгаҩы ҿыц Галуст Трапизониан дыдирдырит.

Беслан Џьопуа, ахылаҧшырҭа аҿаҧхьа административ-техникатә хылаҧшра аусхкы аҿы аусхкыбжьаратә координациа амҩаҧгара аганахьала хадара злоу ахыдҵақәа ықәгылоуп ҳәа иазгәеиҭеит.

“Иахьа ахархәаразы ирыҭахар зылшо аобиектқәа зегьы иарбоу ахылаҧшырҭа ала иахәҭоу агәаҭара иахысыр ауп. Афатә аалыҵқәа рхаҭабзиареи, иааизакны атәылауаа ршәарҭадареи акыр шәара шәусура иадҳәалоуп”, – ҳәа инаҵшьны иазгәеиҭеит Беслан Џьопуа.

Аҧыза-министр актәи ихаҭыҧуаҩ Беслан Џьопуа Аҧсны Аҳәынҭқарра астандартқәеи, ахархәаратәии атехикатәи ахылаҧшра азы аҳәынҭқарратә Еилакы аколлективи уи анапхгаҩ ҿыц Галуст Трапизониани русураҿы ақәҿиарақәеи аихьӡарақәеи рзеиӷьаишьеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа