Ажәабжьқәа

Популярное

Аслан Бжьаниа: «Арбџьар мчқәа ҷыдала азҿлымҳара рыҭатәуп. Убри аҟнытә атәылахьчаратә усбарҭаҟны сааны, хаҭала Арбџьар мчқәа рҭагылазаашьа збароуп ҳәа исыԥхьаӡеит».

585
23.07.2020 14:20
Аслан Бжьаниа: «Арбџьар мчқәа ҷыдала азҿлымҳара рыҭатәуп. Убри аҟнытә атәылахьчаратә усбарҭаҟны сааны, хаҭала Арбџьар мчқәа рҭагылазаашьа збароуп ҳәа исыԥхьаӡеит».
Аԥсны Аҳәынҭқарра Ахада атәылахьчара Аминистрра даҭааит. 

Аҟәа. Ԥхынгәымза 23. Аԥсныпресс. Дырмит Басариа. Аԥсны Арбџьармчқәа Ркомандаҟаҵаҩ Хада, Аҳәынҭқарра Ахада Аслан Бжьаниа атәылахьчара Аминистрра даҭааит. 

Аԥсны Арбџьармчқәа рыпресс-маҵзура излаанацҳауа ала, Аслан Бжьаниа Атәылахьчара аусбарҭа аилазаара анапхгара злахәыз аусуратә еиԥылара мҩаԥигеит,  АА АМ Рыштаб хада аиҳабы, аофицерцәа, Атәылахьчара аминистрра аусбарҭақәа реиҳабацәа ражәахәқәа дырзыӡырҩит, ибеит Аԥсны Аҳәынҭқарра Арбџьар мчқәа рхархәара азԥхьагәаҭара иазку аусшәҟәқәа.

Аиԥылараҟны иара убас,  атәылахьчаратә усбарҭаҟны аусура азԥхьагәаҭара, Урыстәылатәи Афедерациа Арбџьар мчқәа аус рыцура уҳәа ирыдҳәалаз азҵаарақәа жәпакы ирылацәажәеит. 

Аслан Бжаниа иара убасҵәҟьа Аԥсны Аҳәынҭқарра Арбџьармчқәа Рмузеи, Аԥсны Аҳәынҭқарра атәылахьчара  Аминистрра Рыштаб хада Акоменданттә рота, Аҟәатәи Иреиҳаӡоу  арратә Ҵараиурҭа, Атәылахьчара Аминистрра Арҵаратә центр даҭааит, хыхь зыӡбахә ҳәоу  аиҵаҟәшақәа рматериалтә-техникатә еибыҭашьа, аруаа рыбзазашьа, рыфатә еиҿкаашьа, уҳәа ргәаҭара мҩаԥигеит.  

Арбџьар мчқәа Ркомандаҟаҵаҩ хада Аслан Бжьаниа атәылахьчара аусбарҭа иаҭаара хықәкыс иамоу азы ажурналистцәа рызҵаарақәа рҭакқәа ҟаҵо инаҵшьны иазгәеиҭеит: “Аҳәынҭқарра Ахада Арбџьар мчқәа Ркомандаҟаҵаҩ Хада инапынҵақәа наигӡоит. Жәаҳәарада, Акомандаҟаҵаҩ Хада ар рыҟны иҟоу аҭагылазаашьа идыруазароуп. Убри аҟнытә атәылахьчаратә усбарҭаҟны сааны, хаҭала Арбџьар мчқәа рҭагылазаашьа збароуп ҳәа исыԥхьаӡеит. Ара ауадаҩрақәа шыҟоу еиԥш, аихьӡарақәагьы ыҟоуп. Афакторқәа зегьы ҳасаб рзаҳуеит. Сара Арбџьар мчқәа ҳҳәынҭқарра ахьыԥшымра алзыршо хадара злоу институтуп ҳәа исыԥхьаӡоит. Убри аҟнытә арбџьар мчқәа ҷыдала азҿлымҳара рыҭатәуп. Аринахысгьы аусбарҭа аиҵаҟәшақәа лассы-лассы сырҭаалоит, апроблематика аҭҵааразы, ҳсолдаҭцәа,  ҳофицерцәа, ҳаинралцәа  рмаҵурахысра аиҕьтәразы”.



Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа