Аԥсны ахада Александр Анқәаб Урыстәылатәи Афедерациа ахада Владимир Путин имшира идиныҳәалеит
Аԥсны ахада Александр Анқәаб идиныҳәалеит Урыстәылатәи Афедерациа ахада Владимир Путин имшира,- аанацҳауеит Аԥнсы Аҳәынҭқарра ахада иҿы еиҿкаау Аинформациатә усбарҭа.
Адныҳәаларҿы иазгәаҭоуп:
«Ҳаҭыр зқәу Владимир Владимир-иԥа!
Ишәыдсныҳәалоит шәымшира! Шәара шәыхьӡ иузаҟәымҭхо иадҳәалоуп Урыстәылатәи Афхәынҭқрра аҿиара, адунеи аҿы Урыстәылатәи Афедарциа иамоу ақәҿиара дуқәеи аихьӡарақәеи.
Ҳәара аҭахым шәара шәџьабаа ишадҳәалоу жәларбжьаратәи аурыс-аԥсуа ҳәынҭқарратә еизыҟазаашьақәа рышьақәыргылареи қәҿиарала рырҿиареи, астратегиатә усеицуреи ахырхарҭақәа зегьы рыла аицхыраареи еицаҳзеиԥшу ахықәкқәа реилкаареи шьаҭас ирыҭаны.
Агәра ганы сыҟоуп лҵшәабзиала аусеицура ишацҵахо, шәара еиԥымкрада ахылаԥшра шазыжәуа ҩ-ганктәи аиҩызаратә еизыҟазаашьақәа рызҵаарақәа рҿы.
Гәык -ԥсык ала ишәзеиӷьасшьоит, Владимир Владимир-иԥа, агәабзиара, ақәҿиарақәа аурыс милаҭи Урыстәылатәи Аҳәынҭкарреи рымаҵ азураҿы».
