Аҳәынҭқарратә стандарт: атуризм аусхкы знапы алаку аҳәынҭқарратә сектор иаҵанакуа анаплакқәа рматериалтә-техникатә база ажәит

Аҟәа. Август 17. Аҧсныпресс. Астандартқәеи ахархәаратәи атехникатәи хылаҧшра азы Аҳәынҭқарратә еилакы, “Атуристцәа ирыдҳәалоу амаҵзуратә усмҩаҧгатәқәа асертификациа аҭара аҧҟарақәа” ҳәа Аҧсны Аминистрцәа Реилазаара иаднакылаз Ақәҵара инақәыршәаны, акурорти атуризми рзы Аминистрра алархәны атуристцәа асасааирҭақәеи асанаториақәеи уҳәа иахьаанкыло аҭыҧқәа асертификациа рзура иадҳәалоу аусмҩаҧгатәқәа еиҿнакааит. 

Иун 22 инаркны август 12-нӡа 105 обиект аҿы агәаҭара мҩаҧган. Раҧхьаӡа акәны асертификациа аамҭак ала атехникатәи аенергетикатәи хылаҧшырҭа ахаҭарнакцәа алархәны имҩаҧган. 

Аобиектқәа ашьашәалара ахәшьара аҭара акритериақәа ргәыҧ ала имҩаҧысуан: анормативтә-зинтә усшәҟәқәа рыла аиқәыршәара; азеиҧш хархәаратә обиектқәеи, еиуеиҧшым амаҵзуратә уадақәеи рсанитартә ҭагылазаашьа аҩаӡара аҳаракра, иара убас, асасааирҭатә уадақәа атехникатә маҭәахәи аҩнымаҭәеи, уҳәа рыла аиқәыршәареи, аҧсшьарҭаҭыҧқәеи, уи иаҵанакуа атерриториеи аӡҭаларҭақәеи, аенергетикатә нхамҩеи асасцәа ршәарҭадара аиҿкаареи, уҳәа атуристцәа рыҧсшьара зырманшәало ауснагӡатәқәа реиҿкаара. 

Агәаҭарақәа раан ари аусхкы аҿы абас еиҧш ихадароу аилагарақәа аарҧшуп. 

1. Аобиект ахархәарахь анашьҭра азы иахәҭоу анормативтә-зинтә усшәҟәқәа рыҟамзаара; 

2. Асасааирҭатә ҩны астандарт амамзаара; 

3. Атуристцәа ахьаанкыло аҭыҧқәа рҿы еиҿкаау азеҧш крыфарҭақәа русура амҩаҧгараҿы анормативтә-зинтә база аҿы аилагарақәа рыҟазаара; 

4. Атуризм аусхкы знапы алаку аҳәынҭқарратә сектор иаҵанакуа анаплакқәа иажәызрматериалтә- техникатә база. 

Аҧсны аҳәынҭқарра аекономикатә ҿиара аҿы атуризм иадҳәалоу аусхкы ихадароу икакәны иахьыҟоу инамаданы,Аҧсны аҳәынҭқарратә Стандарт акурорти атуризми Рминистрра алархәны “Аҧсны атуристцәа рыдкылара ахархәагақәа иаку аклассификациатә система” ҳәа хыс измоу апроект аиқәыршәара азҧхьагәаҭаны ирымоуп.