Александр Анқәаб Аԥсни Қырҭтәылеи рҳәааҿы азакәанеилагарала имҩаԥысуа ахәаахәҭра даҿагылоуп
Аԥсны ахада Александр Анқәаб игәаанагарала Қырҭтәылантәи Аԥсныҟа иаарго аалыҵ азакәан иақәныҟәо иҟаҵатәуп иара убасгьы аԥсуа ган аҿы аҳазылхратә хылаԥшра еиҿкаатәуп.
Анқәаб иазгәеиҭеит аԥсуа-қырҭуатә ҳәаахь аԥуса ҳәаахьчаратә усбарҭақәа рырхынҳәра дшадгылоу, аҳәаа иахырго аалыҵ ишахәҭоу разгәаҭара, ашәахтәқәа рылхра.
«Имаӡаӡам адәқьанқәеи аџьырмыкьақәеи рҿы ирыцәоуп ашәыри ауҭраҭыхи, уҳәа егьрыҭ аалыҵқәа, азакәан иаҵәыҵәахны аԥсуа-қырҭуатә ҳәаа иахганы ишаарго, уи аҟынтәи аҳәынҭқарра аԥара ҳәа акгьы арҳаӡом»,- иҳәеит Анқәаб ԥхынҷкәынмза қ рзы имҩаԥигаз апресс-конференциаҿы. – Аҳәаа азааигәара ахәаахәҭра акәзар, уи адунеи аҿы зехьынџьара иҟоуп, азакәан инақәыршәаны ма изакәанымкәа. Иалхтәуп аҳәынҭқарра еиҳа иазеиӷьу».
Уи иазгәеиҭеит аҳәынҭқарратә усбарҭақәа Қырҭтәылантәи Аԥсныҟа иаарго аидара ишахыламԥшуа, шьоукы уи аԥара аладырҳауеит.
