Ажьырныҳәамза 19 рзы Аԥсны апатриоттә мчқәа реизара мҩаԥгахоит

Аԥшьашаҽны, ажьырныҳәамза ?) , асааҭ ?№ рзы акультуратә хан «Аԥсны» аҿы имҩаԥгахоит Аԥсны апатриоттә мчқәа раԥҵаратә еизара, уи еиднакылоит Аԥсны иҟоу апартиақәеи аҵысрақәеи зегьы.
Амшхәаԥш аҿы иҟоуп ҩ-зҵаарак: атәылаҿы ауаажәларра-политикатә ҭагылзаашьеи Аидгыла ҿыц аԥҟаԥҵәа апроекти рылацәажәара.
Аизара еиҿызкааз ргәы иҭоуп акоординациатә центр аиқәыршәара, уи аилахәыра иалалоит еиуеиԥшым апартиақәа, аполитикатә ҵысрақәа, аинтеллигенциа, араионқәа, ақалақьқәа рхаҭарнакцәа.
«Апатриоттә мчқәа Реидгыла иалаларц зҭаху зегьы рзы иаартуп. Азыҟаҵара иаҿуп ааԥхьара апроект, уи иахәаԥшны аизараҿы ирыдыркылароуп. Арезолиуциа апроект иалоуп Аԥсны Аҳәынҭқарра адепутатцәа ралхра азакәан ахь аԥсахрақәа алагаларазы ауаажәларратә еиҿкаарақәеи апартиақәеи иҟарҵаз ажәалагалақәа рыхәаԥшра»,- «Аԥсныпресс» акорреспондент иеиҳәеит Аԥсны Жәлар Реизара аполитсовет алахәылаҩ Владимир Занҭариа.