Дшьуп Гал араион амилициа аусзуҩы Витали Родонаиа

Дшьуп Гал араион амилициа аусзуҩы Витали Родонаиа.
Аҩнуҵҟатәи аусқәа рминистр Оҭар Хьециа «Аԥсныпресс» акорр. излаиеиҳәаз ала Родонаиа ажьырныҳәамза ԥ рзы иԥҳәыс руацәа рҿы дыҟан. Уи ауха асааҭ ҭ№. ҷҭ реиԥш аҩны иҩналеит идырым абџьар зкыз ауаа, урҭ Родонаиа мчыла аҩны ддәылганы ашҭаҿы иеихсны дыршьит.
Хьециа иазгәеиҭеит иҟалаз ахҭыс афакт ала ашьауӷатә ус аартуп, еиуеиԥшым аверсиақәа рыҭҵаара иаҿуп.
Аҩнуҵҟатәи аусқәа рминситр иазгәеиҭеит ацәгьаура ахьыҟалаз аҭыԥ аҿы икашәаз ахқәа рыла ирыԥшааит аминақәа «МОН-џҭ» ҩ-цырак. Аминистр иаԥихӡом агәаанагара ашьра адиверсиатә гәыԥ ишыҟарҵаз.
Аҩныҵҟатәи аусқәа рминистр иазгәеиҭеит Родонаиа амилициаҿы жәа-шықәса аус шиуаз, иусураҿы ахьаҵра ааирԥшӡомызт. Аминистр иазгәеиҭеит амилициа аусзуҩы иҭаацәа аматериалтә цхыраара шырзыҟарҵо.